Bu məqaləmizdə sizinlə dünyanın ən qədim parfüm evlərindən biri olan Creed brendinin sözün əsl mənasında əfsanəvi "Aventus" kişi ətri haqqında danışacayıq. Brend 1760-cı ildə krallar və imperatorların ətriyyatçısı kimi qəbul olunmuş Ceyms Qenri Kridin təşəbbüsü ilə yaranmışdır. Bütün fəaliyyət müddəti ərzində bu brendin yaratdığı ətriyyat əsərləri Uinston Çörçill, İspaniya Kraliçası Mariya Kristina de Burbon, Böyük Britaniya Kraliçası Viktoriya, Fransa Respublikasının ilk Prezidenti və Fransızların İmperatoru III Napoleon, Fransa İmperatriçası Yevqeniya, Rus çarı və İmperatoru II Nikolay, Fransa Kraliçası Avstriyalı Yelezaveta, İmperator Frans İosif və bir çox digər məşhur və görkəmli şəxsiyyətlər tərəfindən heyranlıqla gəbul olunub və sevilib. Məhz bu brend İngiltərə kraliçasının sarayı daxil olmaqla, bir çox digər kral saraylarının rəsmi ətir təchizatçısı olmuşdur. Artıq bir neçə əsr ərzində öz təkrarolunmaz ətirlərini yaratmağa davam edən və hər dəfə də unikallıq, dəbdəbə və yüksək keyfiyyətini sübut edən Creed bütün boqema, aristokratiya və yüksək təbəqənin böyük sevgisini qazanmışdır.
"Creed" brendinin uğur sirri nədədir?
Məsələ ondadır ki, bu ətriyyat evi yaratdığı hər bir parfümdə unikallıq faktorunu nəzərə alır. Məqsəd ondan ibarətdir ki, ətir öz sahibini ətrafdakılardan seçsin, cəmiyyətdə onu xüsusi şəxs etsin. Ətriyyat yadda qalan və sahibinin individuallığı, zövqünü əks etdirən olmalıdır. Creedn yaratdığı ətirlər də məhz bu xüsusiyyətlərə malikdir. 1800-ci ildə Kral III Qeorqun xüsusi sifarişiylə "Royal English Leather" parfümü hazırlandıqdan sonra Creed markası bütün dünyada geniş məşhurluq qazanmışdır. Bundan sonra Creed evinin ətirləri yalnız kral ailələri tərəfindən deyil, həm də gözəl zövqlü varlı insanlar tərəfindən istifadə olunmağa başladı. Onu da qeyd etmək lazımdır ki, niş brendi olan Creed tərəfindən müəyyən görkəmli insanlara həsr olunmuş geniş ətir kolleksiyası yaradılmışdır.
Creed-in görkəmli insanlara həsr olunmuş ətirləri:
- Rusiya İmperatoru II Nikolay tərəfindən çox sevilən və ona tozağacının təravətli yay qoxusunu xatırladan "Cuir de Russie" ətri;
- III Napoleonunu həyat yoldaşı İmperatriça Yevqeniya üçün yaradılan "Jasmin D` Imperatrice Eugenie" ətri;
- Siqara çəkməyi çox sevən Böyük Britaniyanın baş naziri Uinston Çörçill üçün hazırlanmış xoş ağac-ədva qoxulu "Tabarome";
- Gözəl Marlen Ditrix üçün Birinci dünya müharibəsinin bitməsindən sonra hazırlanan "Angelique Encens" ətri;
- ABŞ-ın 35-ci prezidenti Con Kennedinin sevimli ətri olmuş "Vetiver";
- Xüsusilə Ceyn Fonda üçün ərsəyə gətirilmiş "Aubepine Accacia" ətri;
- Xüsusilə İran Şahı Məhəmməd Rza Pəhləvi üçün hazırlanmış "Selection Verte" adlı ətir.
Bu siyahını hələ xeyli uzatmaq olar, çünki brend bir neçə əsr ərzində ən məşhur, tanınmış və görkəmli şəxslərin istək və kaprizlərini məmnun etmişdir, lakin gəlin adıçəkilən Creed Aventus parfümünə qayıdaq.
Beləliklə, Creed Aventus - ağac-ədvalı nüansları hiss olunan meyvə və şipr qoxular qrupuna aiddir, 2010-cu ildə Oliver Krid və Edvin Krid parfümerləri tərəfindən hazırlanmışdır. Bu parfüm böyük tarixi şəxsiyyətlərə həsr olunmuş ətir seriyasının davamı olaraq görkəmli sərkərdə Napoleon Bonoparta həsr olunmuşdur. Ətir Bonopart şəxsiyyətinin kişiliyi, qalibiyyət iradəsi, şöhrət və lider qabiliyyətini əks etdirdiyi üçün bir çoxları onu - "Bonopartın portreti" adlandırır. Parfümünün hər inqrendiyentinin I Napoleon şəxsiyyətinə bilavasitə aidiyyatı var.
Ətrin yuxarı notlarında: İmperatorun mənşəsinin simvolu olaraq korsika qara qarağatı; Napoleonun bir çox gözəl qalibiyyət qazandığı İtaliyadan gətirilmiş berqamot; hakimiyyətə gəldiyi Fransadan ağ kalvil sortunun alması; və hətta Bonopartın ən çox sevdiyi desert - kral ananası.
Creed Aventus ətrinin ürəyində: Napoleon qızılgülü; Bonopar taxtının düzəldiyi luizian tozağacı; böyük sərkərdənin piramida önündə əsgərlərə öz məşhur nitqiylə müraciət etdiyi yer, Misirdən gətirilən jasmin; və nəhayət, nəfis qoxusu ilə seçilən, həm də sağlamlıq simvolu olan ekzotik paçuli.
Kompozisiyanın sonunda baza notları eşidilir: İmperator fəth etdiyi İspaniyadan palıd mamırı; güclü donanma simvolu olan dəniz sularında hasil olunan boz ənbər; İmperatorun həyat tərzini xatırladan aristokratik vanil.
Hər bir not - Napoleonun malik olduğu cəsarət və güc, onun dəbdəbə və gözəlliyə olan ehtirasının simvoludur. Şan-şöhrət, hökmdarlıq eşqi ilə yaşayanlar üçün ən gözəl seçimdir. Bu təravətləndirici, cəsarətli, qalıcı, sərin, açıq və çoxtərəfli qoxu özündən əmin, məqsədyönlü, güclü, alicənab, lakin buna baxmayaraq məğlubiyyət, səhv və məyusluqdan qorxmayan, eyni zamanda dəbdəbə və populyarlığın dəyərini bilən, öz yolunda heçnədən qorxmayan kişilər üçündür. Parfüm təbii cazibəni vurğulamaq, müasir həyatda önəmli olan harmoniyaya gəlmək üçün düşüncələrə aparır. Həyatdan maksimum zövq almaq və yaşanılan hər dəqiqədən həzz almağa öyrəncəli olanlar üçün gözəl seçimdir.
Ətirin bu qədər hərtərəfliliyi sizi qorxutmasın, kompozisiyanın hər bir tərkib hissəsi bütün digər notlara nisbi olaraq tarazlaşdırılıb və harmoniya təşkil edir. Creed Aventus sizə şuxluq və optimizm verəcək və gündəlik istifadə üçün ideal qoxuya malikdir. Creed Aventus-un qoxusunu təsvir edərkən onu qeyd etmək lazımdır ki, ətir cəsurdur, amma kobud, brutal deyil, dolğun və parlaqdır, amma qeyri-ciddiliklə hec bir əlaqəsi yoxdur. Təkrarolunmaz fransız şarmına hörmət edən və onu ingilis ciddiliyi ilə harmonik birləşdirən centlemenlər üçün yaranan parfümdür.
Dəyəri pulla deyil, sahibinə bəxş etdiyi unikal və güclü görüntü ilə ölçülən bir ətirdir!
Düzünü desək, bu ətri həyatında heç olmasa bir dəfə kişilər üçün niş ətirləriylə maraqlanan hər kəs mütləq eşitməlidir! Parfümün rəsmi təsvirində deyilir: "Aventus" - Krid parfüm evinin tarixində ən məşhur parfümdür". Və siz hələ də Creed Aventus-un qoxusunu eşidib duymamısınızsa, bu anlaşılmazlığı mütləq ardan qaldırmalısınız!
Sonda onu da qeyd edək ki, Creed əsərləri sadəcə təkrarolunmaz qoxular və yüksək keyfiyyət deyil, həm də xüsusi yanaşmadır. Məhz bu yanaşma ən yüksək rütbəli məmurlar və ən kaprizli aristokratlar tərəfindən yüksək qiymətləndirilir. Əfsanəvi niş markası Creed tərəfindən hazıranna hər bir əsər - gizli alximiyadır. Bu gün üçün Creed ətir evinin bütün sirrləri bu nəslin 6-cı nümayəndəsi Olivye Krid tərəfindən qorunub saxlanır.
Müasir vaxtda Creed brendinin ətirlərini sevə-sevə istifadə edənlər arasında Culiya Roberts, Jerar Depardye, Corc Kluni, Harrison Ford, Riçard Qir, Fanni Ardan və bir çox başqa məşhur şəxsləri qeyd etmək olar.
