“Ətir insanın tərzinə bir toxunuşdur, görünüşü vurğulayan, insanın xarakterini tamamlayan, görünməyən bir detal. Ətir yoxdursa həmişə nəsə əksikdir.” deyib, məhşur italiyan dizayner Gianni Versace.
Hər gün qarşımıza çıxan yeni ətirlərlə birlikdə seçimlər də artır və təbii ki, bu qədər çox çeşid arasından seçim etmək də çətinləşir. Hələ üstəlik sizin tərzinizə uyğun parfumun hansı olduğunu bilmirsinizsə, bu iş çox daha çətindir. Geyiminizə, makyajınıza, tərzinizə uyğun seçim etmək, seçdiyiniz ətrin sizinlə bütünləşməsi üçün, önəmlidir. Çünki ətir insanın tərzinin imzasıdır.
Təriznizə uğun ətri seçə bilməyiniz üçün sizə bir neçə ipucları təqdim edirik:
Zərif və elegant
Əgər zərif detalları geyimləri sevirsinizsə, istifadə etdiyiniz aksessuarlar həssas və zərifdirsə, tozlu, kremli ətirlər sizin üçün əlverişlidir. Zanbaq, gül, yasəmən və pion çiçəkləri olan ətirləri seçə bilərsiniz. Esteé Lauder Modern Muse, Valentino Valentina, Christian Dior Miss Dior Absolutely Blooming.
Diqqət çəkici
Əgər kürk geyinməyi, diqqət cəlb edən aksesuar taxmağı və ya taxma dırnaqları sevirsinizsə, sizin üçün daha cəlbedici qoxular uyğundur. Patchouli, vanil və kəhrəba kimi notları olan, ekzotik və ədviyyatlı ətirlər sizin üçün əla seçimdir. Victor & Rolf Flowerbomb, Givency Dahlia Divin, Christian Dior Addict, Christian Dior Hypnotic Poison, Narciso Rodriguez Narciso for Her, Gucci Guilty.
Modern
Əgər çox rəngli geyinməyən və sadə birisinizsə, ətirləriniz də buna uyğun olmalıdır. Çox dominant olmayan, yüngül və təmiz qoxulu ətirlər sizin üçün uyğundur. Burberry My Burberry, Giorgio Armani Si, Narciso Rodriguez Narciso, Calvin Klein Euphoria.
Yenilikçi
Əgər modanı yaxından təqib edən və fərqli tərzdə paltarlar geyinməyi sevən birisinizsə, ətrafınızda geyindiyiniz geyimlərlə seçilirsinizsə, ətirlərinizin notları da bu uyğun olmalıdır.Kaşmir, dəri, tütsü, iris tərkibli notlar sizə uyğunlaşacaq. Tom Ford Velvet Orchid, Chanel Coco Noir, Marc Jacobs Oh Lola.
Azad ruhlu
Əgər hər hansı bir qəlibə uyğunlaşmağı sevmirsinizsə, rahatlığınız sizin üçün hər şeydən daha vacibdirsə, paltar və aksesuarlarınızda, funksionallıq və rahatlıq ön sıradadırsa, meyvə və çiçək, dəniz notları olan ətirlər sizin üçün əlverişlidir. Moruq, su sümbülləri, bambuk, kivi notları olan ətirləri seçə bilərsiniz. See By Chloe, Marc Jacobs Dot, Davidoff Cool Water, DKNY Be Delicous.
