tıq on ildən çoxdur ki, bütün dünya Narciso Rodriguez brendinin çiçəkli-müşklü ətirlərini heyranlıqla və sevə-sevə istifadə edir. Bu brendin yaratdığı kompozisiyaları müasir ətriyyat dünyasında ən çox müzakirə olunan ətirlər adlandırmaq olar, belə ki, bu ətirlərə biganə yanaşan yoxdur - onu ya sevir, ya ondan yan keçirlər. Hər halda hamı bir fikirlə razıdır ki, bu brend və onun yaratdığı parfümlər adilikdən uzaqdır, çünki özünəməxsusluğu olmayan bir qoxular bu qədər müzakirə və debata səbəb ola bizməz.
Dəbli Narciso Rodriguez dizayneri 2003-cü ildə debüt Narciso Rodriguez For Her ətrinin işiq üzü görməsindən sonra ətir dünyasında çox böyük populyarlıq qazanmışdır. Adının sadəliyi və hər kəs tərəfindən çox bəyənilən müşkün hissiyatlılığı brendin əvəzolunmaz üslubuna çevrilmişdir. Narciso Rodriguez For Her ətrinin qazandığı möhtəşəm uğurdan sonra dizayner ağac notları ilə eksperimentlərini davam etdirdi və onların potensialını yeni üslübda gösətrmək istədi. Bunun nəticəsində yeni — Narciso Rodriguez Narciso ətri yarandı və bu məqalədə söhbət elə adıçəkilən ətir barədə gedəcək.
Bu "əsər" adını qazanmış ətir 2014-cü ilin sentyabr ayında işıq üzü görmüşdür. Öz yaradıcılığını təqdim edərkən dizayner bildirmişdir ki, "Mən inanılmaz dərəcədə cazibədar bir parfüm yaratmaq istəyirdim, şleyfiylə kişiləri döndərəcək qədər". Parfümün adında ətriyyatçı yalnız öz adını deyil, həm də Narçis barədə mifin baş qəhramanın adını nəzərdə tutmuşdur. Rodriqes əmindir ki, bu sadəcə öz əksinə vurğunluq mifi deyil, həm də gizli cazibə haqqında olan hekayədir.
Narciso Rodriguez Narciso kompozisiyası ağ qardeniya və qızılgül notlarıyla başlayır, sonra ətrin ürəyindəki ilıq müşk qoxularıyla eşidilir. Bazasına vetiver və iki növ - ağ və qara sidrin ağac akkordları əlavə olunub. Bu ətirdə "Hissiyatlılıq da daha cəzbedici, da daha məstedici hal alır". Narciso tərkibindəki vetivera, müşk və ənbər miksinin sayəsində onu istifadə edən xanıma öz çəkiciliyi və cəzibədarlığını kəşf etməyə imkan yaradacaq. Bu nəfis və zərif ətrin siması model Rakel Zimmerman - Raquel Zimmermann olmuşdur.
Özünü artıq dərəcədə ovsunlayıcı hiss etmək - Narciso ətri öz sahibəsinə məhz bunu öyrətməlidir. Dizayner Narcisonun dediyinə görə "Yaradıcılığımda yer tutan bütün ecazkarlıq mənim Latın Amerika köklü olmağımdan əmələ gəlir. Mən qadınların cazibəsini çox zərif şəkildə, onu ucuzlaşdırmadan vurğulamaq istəyirəm".
Narciso Rodriguez Narciso ətrinin reklam roliki
Narciso-dan istifadə edərək siz əmin olacaqsınız ki, özünüzü zərif xanım hiss etməyiniz üçün mütləq don geyinmək və ya dodaq boyası istifadə emək gərək deyil. Bu parfüm zərif və cəlbedicidir, lakin ətrafınızdakı bütün digər qoxuları üstələməyəcək. Minimalistik, yüngül, zərif, qışqırmayan, amma eyni zamanda yetərincə qalıcıdır. Ətrafınızda nə baş versə də onunla özünüzü sakit və rahat hiss edəcəksiniz. Onu yumşaq, kremli, ilıq, bürüyən adlandırmaq olar, amma eyni zamanda o istəkli və neo-qlamur parfümü olaraq qalır.
Narciso Rodriguez-dən Narciso - sadəcə ətir deyil. Bu məhz qoxudur. Bu qoxu sahibəsi ilə harmoniyada yaşayır. O şəxsi bir əşya - sevimli dodaq boyası, dəri və ya saçlarınızın qoxusu kimidir. Ətrin çalarını izah etmək üçün "ikinci dəri" ifadəsini istifadə etmək olardı, lakin onun elə dərinin özü olmasını demək daha düzgündür. Əlbəttə, ətrafdakılar düşünməyəcək ki, bu sizin öz natural qoxunuzdur, şampunların qoxularıyla da oxşarlıq hissi yaranmayacaq. Hərçənd ki, ətir qlamur gözəllər üçün də idealdır, amma sizi ziyafət geyimlərinə bəzənməyə vadar etməyəcək. Narciso ətriylə gündəlik sadə geyimdə də özünüzü zərif xanım hiss edəcəksiniz.
Həmçinin, onu da qeyd etmək lazımdır ki, xanımlar tərəfindən çox bəyənilən bu parfümü internetdə "2014-cü ilin ən gözəl ətri" adlandırırlar.
