Ətrin yaranması və düzəlməsi prosesi - əsl incəsənətdir! Ətirlərdə ən çox istifadə olunan, populyar və maraqlı notlar barədə məqaləmizin davamını bu yazımıda tapa bilərsiniz.
Səndəl
Tərkibində səndəl yağı olan ətirlərin siyahısı çox uzundur.Bu hərtərəfli not bir çox ətriyyat sevərlər tərəfindən çox bəyənilir. İlıq və yumşaq qoxulu efir yağının əldə olunması üçün "Santalum album"un kök və ağacı su buxarı ilə distilə olunur.
Mamır
Palıd və ağac mamırı - şipr, ot və yaşıl notlu kompozisiyaların hazırlanmasında gərəkli notlardır. Palıd və ağac mamırının absolyut yağlarının əldə olunması üçün ekstraksiya üsulu tətbiq edilir.
Sitruslar
Tərkibində su faizi çox olduğundan meyvələrin əksəriyyəti ətriyyatda istifadədə oluna bilmir.Ona görə ətriyyatda məhz sitruslar geniş istifadə olunur.Aromatik yağların əldə olunması üçün ilk öncə meyvələr qurudulur, sonra isə onların qabığından lazımı elementlər çıxardılır.Demək olar ki, bütün odekolon və təravətli suların daxilində bu not var. Onu da qeyd edək ki, sitrusların qoxusu çox xoş olmaqla yanaşı, həm də sağlamlıq üçün xeyirdir.
Müşk
"Müşk maralı" və ya Kabarqa adlanan heyvanın vəzisindən əldə olunur.Maralın ayrıca növü olan Kabarqa Asiyanın yüksək dağlıq ərazilərində yaşayır.Kabarqanın ovlanması qadağandır, onun müşkünün eksportu isə bütün şəkildə qəti şəkildə reqlamentləşdirilib.Müasir zamanda müşkü heyvanı öldürmədən, ona ziyan vurmadan əldə edirlər.Təbii müşk - yetərincə güclü ammiaklı boğucu qoxulu maddədir.Ancaq spirtli cövhərdə tam özünə gəldikdən sonra müşkün iyisi parfümlərdə çox yüksək qiymətləndirilən qeyri-adı heyvani qoxu hissini yaradan nota çevrilir.İndi ətriyyatçılar çox vaxt təbii müşkü daha əlverişli və ucuz olan sintetik analoqlarla əvəz edir.
Boz ənbər
Balinaların mədəsində həzm zamanı əmələ gələn və onların gəyirdiyi zaman üzə çıxan qoxulu məhsuldur.Təbiətdə ənbərə dəniz suyunda üzən və ya sahilə tullanılmış halda rast gəlinir.Balinalara ov qadağan olunduqdan sonra boz ənbər ətriyyatçılara onu bəzən oz torlarında tapan balıqçılardan düşür.Bu inqrendiyentin çox nadir və bahalı olmasını yəqin ki, artıq siz özünüz də anladınız.Məhz buna görə boz ənbər ancaq bahalı ətrlərdə istifadə edilir.
Sintetika
Elmin inkişafıyla sintetik qoxular da ətriyyatda öz əvəzolunmaz yerini tutdular.Müasir ətriyyatın mövcudluğunu sintetik tərkib hissələrsiz təsəvvür belə etmək mümkünsüzdür. Siz təəccüblənəcəksiniz, lakin sintetikasız nə Chanel № 5, nə Eau Sauvage, nə də ki Opium yaradıla bilməzdi! XIX əsrin 30-cu illəridənək parfümlər yalnız təbiət nemətlərindən hazırlanırdı və bu çox zəhmətli iş idi. Buna görə ətriyyat istehsalı çox bahalı, parfümlər isə dəbdəbə göstəricisi, ancaq imtiyazlı və varlı təbəqənin nümayəndələri üçün nəzərdə tutulan hesab olunurdu.Hər şey 1830-cu ildə, fransız kimyagərlərin natural qoxulu maddələrlə eksperimentlərini başladıqdan və sintez metodunu tətbiq etdikdən sonra dəyişildi.Kimyaçılar sintezi istifadə edib və efir yağlarından əldə olunan ayrıca komponentlərin əsasında təbii qoxuların analoqlarını yaratmışdılar. Əldə olunan uğur alimlərin aromatik maddələri xam qazıntılar, neft və ya kömür əsasında yaratmasına təkan verdi. Və bu uğurlu eksperimentin nəticəsində bu günədək yüzlərlə yeni qoxular sintezləşdirilir.Belə sintetik qoxular klassik natural qoxularla qarışdıqda unikal və təkrarolunmaz kompazisiyalar yaratmağa imkan yaradır.
