DONNA KARAN NEW YORK Ətir tapıldı

Donna Karan brendinin tarixçəsi

Eyni adlı beynəlxalq şirkətin baş dizayneri Donna Karan deyir: “Mənim işim – mənim bədənim, ürəyim və ruhumdur”. “Mənim üçün dizayn – bütün nüans, həyacan və emosiyalara malik qadın kimi özümü ifadə etməyin ən yaxşı üsuludur ”.

1984-cü ildə Donna Karan və onun əri Stiven Vayss Donna Karan şirkətinin əsasını qoyublar. Donnanın zərif qadınlıq hissi onun moda evinə uğur gətirdi. 1996-cı ildə şirkət dünya ticarət bazarına çıxdı və orada beş ildən sonra onu hal- hazırki sahibi – LVMH(Louis Vuitton Moet Hennessy) fransız lyuks konserni alıb. “Mən qadınam və bu məndə özüm kimi insanlara yardım etmək, onların problemlərini anlamaq, onların arzularını yerinə yetirmək həvəsi oyadır. Eyni zamanda bədii hiss gözə görünən və duyulan gözəllik tələb edir. Buna görə də mənim üçün dizayn – komfort və lyuksun, işgüzarlıq və ehtirasın harmonik uyğuluğunun daimi mübarizəsidir ”.

Donna Karan brendinin konsepsiyası

Donna Karanın moda konsepsiyası yeddi sadə əşyadan ibarətdir və onlar bir-biri ilə qarşılıqlı təsirdə olduqda həyatın istənilən anı üçün, gündəlik geyimdən axşam paltarınadək, işçi kostyumdan istirahət günü paltarınadək, mükəmməl qarderob yaradırlar. Donna Karan deyir: “Mən əşyaları kosmopolitanlar– sutkanın bu, və ya digər anında harada olacaqlarını bilməyən yaradıcı adamlar üçün yaradıram. Ona görə də mənim etiketimdə “Nyu-York” yazılıb. Nyu-York temp və ritm verir, şirkətə müəyyən münasibət formalaşdırır ”.

Donnadan ötrü paltar heç vaxt sadəcə qarderob əşyası olmayıb, o , hər şeydən əvvəl həyat tərzidir. Üslub ondan ötrü qarderobun ayrı-ayrı əşyaları deyil, o – başdan dabanacan, funksiyadan estetik dəyərlərəcən bütöv bir mənzərədir. - Elə bu prinsiplərlə də qeyri-adi kolqotka və uzunboğaz corab ideyaları yaranır – bunu Donna Karan Hosiery xətləri haqqında Donna söyləyib. – Bax elə bu cür də rahat büsthalterlər, mayka və pijamalar əmələ gəlir – bu artıq Donna Karan Intimates xətləri haqqında dedikləridir. – İdeal eynək tapmaq lazımdır? Məndə bu məsələnin həlli var! – bunu Donna Karan Eyewear xətləri haqqında Donna söyləyib. Bu siyahını çox uzatmaq olar: ayaqqabı, kəmər, aksessuarlar – burda Karan deyərdi ki “özünü və üslubu bir yerə yığmaq üçün lazım olan hər şey”.

Qızın  cins almaq və qarderob problemini həll etmək cəhdi 1989-cu ildə DKNY xəttinin yaradılmasına gətirib çıxardı. Donna meqapolisin həyat və ritminə uyğunlaşdırılan DKNY urbanizm dizaynını “ haute couture pitsası” kimi xarakterizə edib. Bu xətt o qədər tez məşhurlaşdı ki, onun DKNY Jeans, Pure DKNY, DKNY Jeans Juniors və DKNY Kids kimi bölmələri yarandı (Karanın uşaqları və onların dostları yalnız ilhamverici qüvvə kimi çıxış etmirdilər, onlar həm də sonuncu xəttin yaradılmasında bilavasitə iştirak edirdilər).

DKNY kolleksiyası

Mükəmməl kolleksiyalarda olduğu kimi DKNY-nin də aksessuar, ayaqqabı, və dinamik Nyu-Yorkun təkrarolunmaz üslubunun yarandığı hər bir əşyanmın xətləri vardır. Karan hər zaman anlayırdı ki, onun birlikdə işləməli olduğu kişilərin bir çoxunun da rahat və müəyyən üslubda olan paltarlara ehtiyacları var. Həm də Donnanın atasının dərzi olduöğu nəzərə alınarsa, kişi xəttinin yaradılması sadəcə olaraq qaçılmaz idi. Belə ki, 1992-ci ildə DKNY Men yaradıldı. O zamandan etibarən kişilərin çoxu öz qarderoblarında onun kişmirdən tikilmiş kostyumlarının və casual üslubunda olan rahat paltarlarının olmamasını təsəvvür edə bilmirlər. Karan 1992-ci ildə bütün hisslərə toxunmaq qərarına gələrək, gözəllik dünyasına orijinal pətriyyatlar və onların əlavə xətləri ilə daxil olur, ətriyyat qablarını isə onun əri Stiven Vayss yaratmışdı. O zamandan etibarən, Donna Karan ətriyyat xətti Cashmere Mist və Black Cashmere bestsellerləri ilə, DKNY isə DKNY, Be Delicious, Red Delicious cüt ətirləri və sonuncu Delicious Night ətiri ilə öyünə bilər.

Donna Karan International Donna Karan Nyu-York-un və bütün dünyaya yayılan DKNY- şəxsi mağazalarının sahibidir. Birinci beynəlxalq flaqman dükanları Londonda açılıb: DKNY – 1994-cü ildə, Donna Karan isə bundan iki il sonra açılıb. 1999-cu il DKNY-nin flaqman butiki Nyu-Yorkun yuxarı hissəsindəki altmışıncı küçədə və Medison Avenyuda açılıb, bundan iki il sonra isə DKNY Nyu-Yorkda Qərbi Brodveyin Soxo rayonunda yaranıb. 2001ci ildə Karan oraya, hər şeyin başladığı yerə qayıdır və Medison-avenyu, 819-da mövsüm kolleksiyasının ən böyük birinci xətt seçiminə malik olan Donna Karan New York flaqman mağazasını açır. Onun üslubu –“Şəhər xaosundan sakit sığınacaqdır”. Mağazanın bütün birinci mərtəbəsindən çayı olan valehedici bağ keçir.

DKNY Larose.az-da

O, dizayn karyerasına məhz burada başladığına görə deyil, həm də bu şəhərin ona ilham verdiyi üçün Nyu-York Donna üçün başlanğıc nöqtəsinə çevrilmişdi. Karan dünyaya gəldiyi vaxtdan etibarən moda dünyasında yaşayırdı: onun atası Qabbi Faks dərzi idi (Donnanın cəmisi üç yaşı olanda o vəfat etmişdi), onun anası şou-rumda model və moda dünyasında satış nümayəndəsi işləyirdi. Hətta onun ögəy atası Harold Fleksmən fashion-bizneslə əlaqəli adam idi. Ona görə də Karaın hələ məktəbdə oxuduğu zaman özünün ilk kolleksiyasını yaratması və podiumda təqdim etməsi təmamilə təbiidir. Donna Parson Dizayn Məktəbinin (Parson’s School of Design) ikinci kursunda oxuduğu zaman dizayner Enn Klyayn onu yay tətilində işləmək üçün dəvət etdi. Bu əməkdaşlıq isə Karanın bütün həyatına öz təsirini göstərdi.Komandada üç il işlədikdən sonra o, Enn Klyaynın (1974-cü ildə vəfat etdikdən sonra) varisi elan edildi.

Enn Klyaynın ölümündən 10 il sonra əri Stiven Vayss və Anne Klein & Co.brendinin sahibi Takiyho, Inc. şirkətinin yardımı ilə şəxsi moda evi yaratmaq qərarına gəlir. Donna Karan New York Collection-in birinci kolleksiyası 1985-ci ilin payızında göstərilib, ticarət nümayəndələrinin və mətbuatın buna müsibəti isə sübut etdi ki, Donna Karan ümumdünya moda tarixini yaradan adamlardan biridir. 2001-ci ildə Stiven Vayss vəfat edənə qədər Donna Karan və Stiven Vayss 17 il evli olmuşdular. Onların üç uşağı və altı nəvəsi vardır. İndi artıq Donna Karan dünya səyahətinə çıxmır və o, özünün Nyu-York və Şərqi Həmptondakı evlərinin abadlaşdırılması işinə getdikcə daha çox vaxt sərf edir. Donna uşaqlarına olduqca çox vaxt sərf edərək, hal-hazırda Baqam adalarındakı adanın birində, Perrot Keydə (parrot Cay) – Donna Karan və Stiven Vayss-ın vaxtı ilə ailə vədlərini bərpa etdikləri yerdə, böyük ailə evi inşa etdirir.

İndi Donna çox tez-tez deyir: “Mənim cah-cəlalım – mənim ailəmdir”.

 

Sıralanma: Səhifədə ətir sayı:

Heç bir nəticə tapılmadı.