GUCCİ^{49 Ətir tapıldı}

Gucci brendinin tarixi

İtalyan dəri ustasınin oğlu Quççio Quççi atasının yolu ilə getmədi. Yaxşı həyat axtarışında olan gənc oğlan yoxsul İtaliyanı tərk edərək varlı Londona köçür və orada o, qəşəng Savoy otelində işə düzəlməyə müvəffəq olur. Gələcək dünya modasını dəbə qoyacaq bu şəxs əvvəlcə koridor xidmətçisi, sonra isə liftçi vəzifəsinə düzəlir. Quççio Quççi ömrünün bir neçə ilini liftdə düymələrə basmaq və London dünyasının nümayəndələrinə qapı açmaqla keçirdi. Məhz bu sarayda, tezliklə onun müştərilərinə çevriləcək (o bunu hiss edirdi), qəşəng müştərilərə baxmaq imkanı var idi.

• 1921-ci ildə, 20 yaşı bitəndə, cibində cəmisi 30000 liri olan Quççi İtaliyaya qayıtmaq qərarına gəlir, bu pullar London üçün gülməli, İtaliya üçün isə böyük pullar sayılırdı. Bu vəsaitlər ona dəri çamadan və yəhər qayışı istehsalı üzrə emalatxana, həmçinin də Via della Vigna Nuova, ev 7 ünvanında yerləşən və sonralar bütün Avropada məşhurlaşan kiçik dükan açmağa imkan verdi.At qoşqu ləvazimatları ilk uğurlu mal oldu – məhz bu sahədə şirkət özünə ad qazandı. Yavaş-yavaş Gucci jokeylər üçün bahalı paltar istehsalını mənimsədi –Avropanın ən yaxşı at sürənləri Gucci kostyumlarında çıxış etməyə başladılar. Bu marka bütün qitədə məşhurlaşdı.1930-cu ilin sonlarında Gucci brendi avropalıların şüuruna ciddi şəkildə “gözəl həyat” həkk olunmuşdu.
• 1937-ci ildə şirkət fabrika binasına köçür və məhsulların çeşidini genişləndirir – o cümlədən dəbdə olan kiçik qadın çantaları istehsal etməyə başladı. 1938-ci ildə Quççi Romada nüfuzlu Via Condotti küçəsində təntənəli şəkildə mağaza açır. Müharibə illərində Quççi heç nəyə baxmayaraq zinət əşyaları buraxmaqda davam edirdi. Doğrudur, şirkət dəri xammalı ilə təchizatda fasilələrlə qarşılaşırdı, ona görə də Gucci markası ilə çətənə lifindən, kətandan, cutdan və bambukdan düzəldilmiş mallar üzə çıxırdı. Hər halda, şər deməsən xeyir gəlməz – növbəti yüksəliş yeni materiallarla bağlı idi: 1947-ci ildə çox da böyük olmayan əyilmiş bambuk qulplu dəri çanta hollivud aktrisasının, Qreys Kellinin, ayrılmaz yol yoldaşına çevrilmişdi, bir neçə ildən sonra isə o, Jaklin Kennedinin əlində bütün dünyanın təsəvvürlərini sarsıtdı. Gucci-nin şöhrəti Jaklinin çiynində okeanın o tayına keçdi. Greys Kelli Quççio Quççinin istedadının sadiq pərəstişkarı oldu və uzun müddət onun şirkətinin siması idi. Greys Kelli Monakonun knyaginyası olduqdan sonra Gucci knyaz sarayının rəsmi təchizatçısı statusunu aldı.
• 1953-cü ildə Quççio Quççi Manhettendə birinci mağaza açmaqla, amerika yüksək moda bazarına ayaq atan ilk italyanlardan biri oldu. Elə həmin il öz məhsulunun dünya uğurunu qiymətləndirməyə imkan tapanadək şirkətin yaradıcısı vəfat edir. Moda Evi Quççionun dörd oğluna – Aldo, Vasko, Uqo və Rodolfoya miras qalır və onlar ilk vaxtlar atalarının işini uğurla davam etdirdilər. Şirkət Parisdə, Londonda, Tokioda mağazalar açdı. 1960-cı ildə Gucci yüksək moda dünyasında ən məşhur markalardan biri idi. Ö dövr Quççio Quççi şirkətinin ən yüksək çiçəklənmə dövrü idi.
• 70-80-cı illərdə dəbdəbə dünyası bir az “mürgüləməyə” başladı. Elit markaların keçmiş şöhrəti bərpa etmək və zinət və zərifliyin fəlsəfəsini potensial alıcılara çatdırmaq üçün bir çox moda evləri ətir istehsalına başladı. Gucci də bu tendensiyanın arxasınca getdi və “yeni zərifliyin” yarandığını cəsarətlə bəyan edərək ətriyyat bazarını ram edən əla kompozisiyalar yaratdı.

Quççi evinə gələn intibah Amerikanın ürəyində yarandı. 1994-cü ildə Tom Ford Gucci Evinə art-direktor işinə dəvət olunur və o özü ilə qloballaşma və universallaşmanın bütün dərk olunan cizgilərini Evin ənənəvi simvollarına əlavə etdi. Tom Ford bütün yeni xətlərə görə - paltar, ayaqqabı və ətirdən tutmuş reklam kompaniyası və mağazalar üçün interyer dizaynınadək- cavabdeh idi. Onun eksperimentləri hollivud ulduzlarının ürəyincə idi. Nəticədə isə, 1996-cı ildə dizayner ilin ən yaxşı modelyeri, qadın və kişi paltarlarının ən yaxşı dizayneri adını və çoxlu sayda digər mükafatlar qazandı. Gucci-nin reytinqi yuxarı qalxmağa başladı. Bilavasitə Fordun rəhbərliyi ilə yaradılan ətirlər məşhurlaşdı. O, zamanın ruhunu cox əla duyur, lakin bundan öz şəxsi nəticələrini çıxarır. O insanların ən çox nəyi istədiyini bilir və onu ətirə çeviri. Gucci ətirləri yeni kolleksiya və aksessuarların yaradılmasına yanaşmadan heç də daha az inqilabi alınmadı. Hər bir ətir Gucci yaradıcılıq məhsullarına xas olan qüsursuzluğu, dəbdəbəni və zərifliyi qoruyurdu və onlar eyni zamanda Tom Ford üslubunun ideal təcəssümü idi. Zəmanə dəyişir. Şirkətin rəhbərliyi də dəyişib.Tom Ford yeni rəhbərliklə iş prinsipləri haqqında razılığa gələ bilmədi və şirkəti tərk etdi. Onunla çiyin-çiyinə işləyən və yalnız paltarların yaradılmasının prinsip və konsepsiyasını deyil, həmçinin Gucci-nin ruhunu dərk edən şagirdləri Tom Fordu əvəz etdilər. 2004-cü ildə göstərilmiş yeni paltar kolleksiyası müəyyən mənada 90-cı illərin axırında Fordda olan minimalist ənənəsini xatırlatdı. Buna baxmayaraq, artıq yaradıcılıq məhsullarında individuallıq, əvvəlki illərin kolleksiyalarına bənzərsizlik və əlbəttə ki, Gucci-nin mükəmməl üslubu hiss edilirdi.

Gucci brendi bugün

Bu gün Gucci ən nüfuzlu markalardan birinə çevrilib. Dəbdəbə və moda dünyasını parlaq, çox vaxt isə açıq-saçıq, lakin arzuolunan və Gucci-nin buraxmış olduğu əla mallar olmadan təsəvvür eləmək çətindir. Artıq yüz ilə yaxındır ki, hər il Gucci şirkəti sübut edir ki, onun tarixi yalnız indi başlayır!