BURBERRY^{41 Ətir tapıldı}

Burberry brendinin tarixçəsi

Burberry damaları da yulaf yarması, beş saatlıq çay, Big Ben və Berberry-yə kifayət qədər pərəstiş edən Kral ailəsi kimi İngiltərənin simvoluna çevrilib. Bu markanın tarixi 21 yaşlı Tomas Berberinin Hempşir qraflığında idman paltarları mağazası açdığı vaxtdan, yəni 1865-ci ildən başlayır. Bir müddət sonra bu biznesə onun oğulları da qoşulur. Biznes inkişaf edirdi, bu isə Londonda topdansatış şöbəsinin açılmasına, həmçinin firma parçalarının istehsalına başlanmasına imkan yaratdı. Əlində nizə tutan atlı isə ənənə mühafizəçisi simvolu kimi firma embleminə çevrildi. Bununla bərabər, gerbin üzərindəki latın sözü olan “Prosum”(“İrəli”) şüarı şirkətin innovasiyalara olan meylini əks etdirirdi.

Sonrakı dövrlərdə isə Burberry həmişə ənənəyə sadiqliyi və yenilik ruhunu özündə birləşdirməyə nail olub. Məhz Berberry-nin mütəxəssisləri 1879-cu ildə qabardini kəşf ediblər. Tomas Berberi yerli fermerlərin həm qışda, həm də yada kətan parçadan tikilmiş paltar geydiklərinə diqqət yetirərək, nəmliyi kənarlaşdıran, amma havanı buraxan sıx və yüngül parça istehsal etmək fikrinə gəlib. İlk gabardin plaş 1901-ci ildə tikilib. Bu plaş “Səngər paltosu” - trençkot adını alaraq, Birinci dünya müharibəsi zamanı Britaniya generallarının formalı paltarına çevrilmişdi. Burberry-də işləyənlər reklamları necə yaratmağı yaxşı bilirdilər. Tomas Berberi Amundsenin 1912-ci il Şimal qütbü ekspedisiyasının tam təchizatını verdi. Burberry parçalarından tikilən kombinezon və çadırlar başqa səyahətçilərin xoşuna gəldi.